Dòkter Yocasta Gil sientífiko pa Philip Morris International ta splika di investigashonnan resien riba produktonan ku ta kalentá tabako. I manera e dòkter a enfatisá, nan no ta rekomendá e hende pa kuminsá huma pero si ta konsientisá e humadó pa e kambia pa e produktonan ku ta kalentá e tabako en bes di kima esaki, i esaki si e persona no por stòp di huma.

Den e último añanan, a desaroyá produktonan alternativo na e sigarianan pa e humadónan adulto ku, di un of otro forma, lo a sigui huma. Opta pa e produktonan aki ta mihó ku sigui huma pasobra nan no ta kima e tabako, ku ta e kousa prinsipal di e dañonan krea dor di humamentu.

Investigashon

Dòkter Gil a splika ku e alternativa liber di kombustion, un di nan ta e sistema elektróniko di tabako kalentá ta konta ku mas di 10 aña, kasi dos dékada di investigashon. A desaroyá un investigashon sientífiko riba diferente paso i ku e práktikanan klíniko i epidemiologia. Ku e produkto aki tin mas 365 trabou publiká no solamente pa e investigadónan di Philip Morris. Dòkter Gil a pone énfasis ku PMI tin dos sentro di investigashon di kual un na Suisa i otro na Singapore i nan tin mas di 900 investigadó ku ta dediká nan mes eksklusivamente na e desaroyo i investigashon di e alternativanan. Tambe ta konta ku investigashonnan eksterno pa medio di independientenan, realisá áreanan di investigashon i sientífiko di e produktonan aki. Ku esaki dòkter Gil a mustra ku PMI ta konta ku investigashonnan amplio den e parti pre-kliniko ku ta e parti ku ta desaroyá promé di e investigashon ku humano i tambe ku investigashonnan humadónan adulto.

Stòp di huma òf bai pa alternativa

Ta importante kòrda ku e alternativanan liber di kombustion ta alternativanan pa redusí e daño. Esei ta nifiká ku ta produktonan dirigí pa e adultonan humadó, ku no ta bai stòp di huma òf ku ta bai sigui huma di tur forma ya ku nan no por stòp. Nan no ta dirigí pa personanan ku nunka a huma ni personanan ku a stòp di huma. Dòkter Gil a bisa ku e kos di mas importante den redukshon di rísiko ta pa e persona nunka kuminsá huma, spesialmente e, menornan di edat òf pa nan stòp di huma kompleto, pa asina por papia di un redukshon di riesgo na nivel di epidemiologia. E produktonan ta redusí i no ta liber di riesgo. Nan ta kontené nikotina, ku ta adiktivo i no ta liber di riesgo en partikular pa menornan di edat, muhénan na estado, hende ku problema di salú manera diabétiko, kardiovaskular, pero e nikotina no ta e kousante di e enfermedatnan ku nos konosé manera kanser di pulmon i enfermedatnan kardiovaskular. Pero e ta un supstansia ku ta adiktivo i p’esei e personanan menor di edat nunka mester keda eksponé na niun sustansia ku tin nikotina òf tabako. I p’esei ta bon kla ku e poblashon mester tin bon kla ku e produktonan alternativo ta dirigí riba adultonan humadó ku a disidí di kontinuá ku humamentu i no por bandon’é.

Pro di produktonan ku ta kalentá e tabako

E promé diferensia segun dòkter Gil ta sinta den e kimamentu. Ora nos sende un sigaria tradishonal, e tabako ta bai kima i esei ta kombustion. E kombustion ei ta sosodé na 400 grado Celsius. Ora esei sosodé ta bai generá huma i den e huma ei ta libra míles di supstansia tóksiko, mas di 6000 supstansia. Di eseinan 100 ta relashoná direktamente ku enfermedatnan ku dòkter Gil a menshoná ariba. Ora kalentá e tabako den e alternativa ku ta sistema di tabako kalentá no ta bai tin kombustion i komo tal no ta bai tin huma. Den investigashonnan sientífiko a keda demostrá ku un di e promé kosnan ku por ripara ku kalentamentu en bes di kima e tabako ta redukshon di 95% di e nivel di e supstansianan tóksiko ku ta generá den e huma, kompará ku e aerosol ku ta generá den e  alternativanan liber di kombustion. Ademas ku e disminushon di e supstansianan tóksiko, e aerosol kompará ku e huma di tabako a keda demostrá ku tin redukshon di eksposishon di e usuarionan, di e organismonan di e kurpa, di esun ku ta usa e alternativanan. 95% di produkshon di e eksposishon na e supstansianan tóksiko kompará ku huma di sigaria. Ta masha importante pa bisa ku presísamente FDA a outorisá e alternativa di tabako kalentá den 2019 pa e komersialisashon despues di revisá tur e investigashonnan sientífiko pasobra nan a bisa ku efektivamente e sistema di tabako kalentá no tin kombustion sino ku realmente e ta kalentá, i tin redukshon di e supstansianan tóksiko di 95% i efektivamente tin redukshon di e eksposishon di e organismo. FDA a outorisá e produktonan aki komo un produkto di rísiko modifiká di redukshon di e eksposishon na 2020. Resientemente nan a hasi un di dos outorisashon pa un modelo posterior segun dòkter Gil. I FDA den nan dokumentonan ku ta públiko, nan a komuniká ku nan ta komprondé ku e outorisashon aki ta den promoshon di e salú di e hende i no solamente di e humadó pero tambe di esun rondó di dje. Por a mira ku den e alternativanan liber di kombustion òf kimamentu, komo ku tin redukshon di supstansianan tóksiko, e humadó di 2do mano, esta esun rondó di esun ku ta huma tambe tin benefishinan pe.

Redukshon na nivel di eksposishon

Un di e último investigashonnan na nivel di estudio klíniko tabata e evaluashon a korto plaso di e sistema di tabako kalentá kompará ku huma di sigaria. Mira e efektonan a korto plaso den un tempu di algun luna na nivel di e organismo kompará ku e huma di sigaria serka e personanan ku a sigui huma. I por a mira efektivamente e redukshon na nivel di e eksposishon di e organismo na e supstansianan tóksiko. Ta mehorá e inflamashon, ta mehorá e faktornan ku tin di aber ku enfermedatnan pulmonar, tabatin mehorashon den funshon pulmonar, mehorashon di e strès, tur esei ta sera di e loke ta sosodé den e organismo ora e persona stòp di huma. Na nivel di investigashon ta mira kon serka por yega na nivel di e efektonan orgániko ora e persona stòp di huma. Dòkter Gil a bisa ku kontinuamente nan tin investigashonnan. Ya tin otro estudio mas resien ku ta sigui i ku aktualmente ta den evaluashon.

Kon poblashon a risibí e produktonan

Parti di e investigashon ku nan ta hasi ta e persepshon i komportashon. Nan ta evaluá kon e produktonan ta keda risibí pa e poblashon. No solamente e poblashon ku ta bai us’é ku ta e adulto humadó ku ta disidí di kambia kompletamente pero e poblashon general ku tin di komprondé ku e produktonan no ta liber di riesgo i no ta dirigí pa hendenna ku nunka a huma òf èks humadónan. Tambe nan a mira kaminda e produkto tin hopi aña, manera na Hapon, (2015) ku e produktonan aki ta aseptá pa e poblashon adulto, e humadónan ku ke sigui huma i ku ta usa e produkto riba largo plaso i ta kambia kompleto. Por a mira ku 76% den e poblashon ei di personanan ku ta kambia kompleto ta keda ku e produkto. Tambe nan a mira un bahada serka menornan di edat ku a trata di usa e produkto. Loke ta mustra ku realmente e práktika di merkadeo i komersialisashon ta kanando bon, ku ta masha importante pa evaluá e aspektonan.

Riba korto plaso pa loke ta uso di e produkto, dòkter Gil a bisa di e punto di bista klíniko nan a opservá mehoria den e funshon pulmonar. Por ehèmpel e kapasidat di ehersisio a mehorá, mehoria den e tosamente, tin ménos riesgo di tin trombosis, mehoria den inflamashon i e personanan ta sinta por lo general manera nan a ekspresá un bienestar. Ademas di e benefishinan ku e tipo di produktonan aki ku no tin huma ni kimamentu ni kombustion, no tin holó, ta karakterístikanan ku e huma di sigaria ta laga i a opservá na nivel oral, dental mehoria den e kolorashon di djente, bahada di inflamashon di ensia ku tambe ta algu ku nan a investigá. Tin un seri di estudio, di evaluashon a kosto plaso kaminda por a mira un seri di efekto ku por tin impakto di forma rápido di sigur 3 pa 6 luna pa e persona ku ta kambia kompletá pa alternativa.

Investigashonnan ta kontinuá

I apesar di e temporada di pandemia, e investigashonnan a sigui pasobra ta importante pa por konta ku evidensianan di e produkto liber di kombustion. Nan tin vários opshon no solamente e alternativa ku ta elektróniko di tabako kalentá pero tin un plataforma di otro 3 produkto ku ta sigui den evaluashon i desaroyando. Tambe nan ta realisando evaluashonnan klíniko a largo plaso pa evaluá e sifra di mortalidat di e produktonan aki. ta estudionan ku mester di tempu mas largu. Na nivel mundial PMI pero tambe pa investigadónan eksterno entre otro den Latino Amérika tin investigashonnan andando di e produktonan aki.

Ideal ta stòp di huma

Ideal ta pa no huma nunka òf si e huma pa stòp kompleto pa asina tin mas mihó resultado na nivel di riesgo. Pero pa esnan ku no ta bai stòp di huma òf disidí di sigui huma pa nan konosé e evidensia tras di e alternativanan liber di kombustion pa nan tuma desishonnan bon i basá riba siensia.