WILLEMSTAD. - Ayera tabatin e tan spera debut di Jair Jurrjens den beisbòl lokal i sigur e no a desapuntá. Jurrjens tabata hermétiko riba montikulo pichando sinku inning i un tèrsio, sin permití hit i poncha ocho bateadó i regalá dos base por bola i el a kombiná ku Richard Moesker i Bryan Biegel pa asina Wild Cats nòkout Marchena Braves i alabes konservá e no hit no run ganando ku skor 10 pa 0.