WILLEMSTAD – Den transkurso di awe tardi Jandino Asporaat a emití un komunikado di prensa den kual e ta ekspresá klaramente ku e no tin niun afiliashon polítiko. Esaki ta lokual el a deklará:

“Destinguido pueblo di Kòrsou ku e relato di prensa aki mi persona Jandino Asporaat ke informá ku mi NO tin afiliashon polítiko ku ningun partido polítiko. Komo empresario mi úniko afiliashon i dedikashon ta pa yuda mi País Kòrsou prosperá i sigui pa dilanti huntu ku e otro islanan den Reino Hulandes. E punto sentral ta i lo keda pa establesé kontaktonan fuerte i konstruí lasonan pa garantisá kresementu lokal i internashonal. Dios bendishoná mi pueblo di Kòrsou i e otro isla nan den Reino Hulandes.”