WILLEMSTAD.- Entrante 17 mart, Jetair a kuminsá ku buelonan direkto entre Kòrsou i Haiti, Port au Prince, Toussaint Louverture International Airport. E ruta di Haiti ta marka e inisio di e di 3 destinashon regular di Jetair.

Jetair ku e ruta di Haiti ta duna oportunidat na e komunidat di Haiti tantu na Kòrsou komo na Haiti pa bishitá nan famia i tambe na esunnan ku lo ke bishitá e pais komo turista.

E buelonan ta keda efektuá ku un Fokker 70 ku un kapasidat di 80 stul i lo operá kada 2 siman riba djárason saliendo for di Kòrsou pa 8:30 a.m. i lo yega Port au Prince, Haiti 10:05 a.m. E buelo di regreso lo sali Port au Prince, Haiti 11:05 a.m i lo yega Kòrsou 12:40 p.m.

Apesar ku Jetair ta kuminsá ku e buelonan kada 2 siman, den futuro ta mira oportunidat pa por agregá mas frekuensia den e schedule.

Pasaheronan ku ta deseá di kumpra nan ticket, lo por hasi esaki online via di nos wèpsait www.jetaircaribbean.com,  via di nos Ticket Office ku ta situá na SBN Doormanweg 79 entre 08:00 a.m. -  04:00 p.m. di Djaluna pa Djabièrnè òf na bo agensia preferí.