Aboná

Djaluna, Mei 19, 2025

Home Deporte Jozua Martina a logra plata den e kampionato di BMX na Colombia

Foto 9 BMX — WILLEMSTAD.- Dia 13 i 14 di aprel tras di lomba un delegashon di dies atleta yu Kòrsou, a biaha pa Colombia, pa asina partisipá na e di dos Kampionato di BMX na Bogotá, Colombia. Paisnan manera Merka, Brasil, Colombia, Ecuador, Argentina, Venezuela i tambe Aruba tabata entre e 15 paisnan ku a partisipá den e kampionato aki. Miéntras ku na tur un total di 929 atleta a partisipá, di kua 805 tabata den kategoria challenger (amatùr) i 105 den kategoria élite (profeshonal). Kòrsou a partisipá únikamente den kategoria challenger. E friu i tambe grip a stroba vários delegashon inkluyendo esun di Kòrsou. Algun atleta di Kòrsou tambe a haña síntomanan di grip. Aktuashon atletanan di Kòrsou: E delegashon di Kòrsou tabata konsistí di Ace Conçalves de Andrade, Ederrion Sirvania, Rayson Sint Jacobs, Jean-Derry Orcadio, Zain Sambo, Justin Helmijr, J’sley Giterson, Gabriel Ensermo, Santiago Restrepo Calderon i Jozua Martina. Mayoria di e koredónan yu di Kòrsou a kai afó for di e eliminatorio. No opstante ku nan tabata malu i òf kai tur a hasi esfuerso den e kompetensia. Pa algun di nan tabata tambe nan promé kareda riba nivel internashonal. Miéntras ku den kategoria 17-24 aña Santiago Restrepo Calderon a kai afó den kuart final tur dos dia. Santiago tabatin bon kareda i a duna bon papel. Miéntras ku e úniko medaya pa Kòrsou a bini den kategoria 34-39 aña. Jozua Martina no opstante ku el a kai un biaha den un eliminatorio, a sa di klasifiká pa final djasabra i bira sup kampion panamerikano. Esaki no opstante ku e tabata falta algu piesa na su baiskel. Djadumingu e no por a partisipá pa e mesun falta di piesa aki.

Deporte

Jozua Martina a logra plata den e kampionato di BMX na Colombia

April 18, 2024

159

Aboná

From: €17.00 / month

Preis nan ta na EUROS

SKU: N/A Category: Online Subscription Package