MERKA.- E kantante Justin Bieber lo ta e stèm di ‘Cupido’ den un pelíkula animá ku ta relashoná ku e Dios di Amor.
Bieber lo ta tambe produktor asosiá di e proyekto. Bieber ta trahando huntu ku ‘Mythos Studios’, di kua su manager, Scooter Braun, ta ko fundadó, pa e pelíkula.
‘Na momentu ku Justin a tende dje proyekto mesora el a bira entusiasmá. E di bon ta ku meskos ku Cupido, e sa di amor i envidia.
Segun e mitonan Cupido, e yu di Diosnan Venus i Mars, tabatin dos tipo di flecha. Ku un e por a hasi e hende namorá i ku e otro pone nan envidiá otro.
Bieber pa algun tempu kaba ta ménos aktivo riba e tereno musikal. Su último albùm a keda lansá na 2015. El a kolaborá ku diferente éksito, manera entre otro ‘Despacito’ huntu ku Luis Fonsi i Daddy Yankee.