WILLEMSTAD.- Ayera mèrdia a surgi un situashon basta tristu pa un kriadó di galiña. Un kachó deskonosí a drenta den un kurá di kas na Kwartje i mata un kantidat di galiña ku tabata den nan kouchi.

Durante e kachó su intento pa morde e galiñanan den  kouchi, el a keda pegá den e kouchi. Doñonan di e kas a pone outoridatnan na altura i mester a laga Stanley Ignacio buska e kachó aki. Awor tin e kachó wardá te na momentu ku e doño sali pa asina por atendé ku e situashon ku a surgi.

Ta urgi pa esnan ku ta doño di e kachó aki tuma kontakto ku Stanley Ignacio na number di telefòn 560-3653.