Willemstad - Nos bunita Parke di Mangel den área di Rif pronto lo habri pa públiko.
Mientras tantu ku e parke no ta habri, Ministerio di Trafiko, Transporte i Planifikashon
Urbano (VVRP) ta pidi komunidat pa no drenta sin outorisashon. A kontratá un
kompania di seguridat pa monitoriá e parke. Komo parti di e tim di monitoreo, e
kompania ta hasi uso di kachonan di seguridat. E kompania konserní ta sòru pa e
kachonan aki ta semper bon kuidá.
Mirando ku tabata konsternashon riba e tópiko aki, ku tin kachonan mará den e Parke di
Palu di Mangel, sin kuido, a optá pa reakshoná i deskartá esaki.
Pronto nos tur lo por bishitá e presiosidat di Parke aki. Esaki lo keda anunsiá públikamente
ora ta asina leu.