WILLEMSTAD.- Den área di Winston Churchillweg tin un grupo di kachó ku diariamente ta kana riba kaya i ta kousa molèster na otronan.

Ta trata di un grupo di por lo ménos 8 kachó, ku tur dia ta kana den e área ei. Aparte ku esaki ta forma peliger pa tráfiko, e kachónan ta frekuentá den áreanan kaminda tin hende sintá i ku ta bende kuminda. Konsekuentemente esaki no ta un situashon masha agradabel.

Segun EXTRA a komprondé, na vários okashon a pone instansianan na altura, pero niun hende no ta hasi nada.

E kachónan tabata ménos, pero tiki tiki e grupo ta birando mas grandi.