WILLEMSTAD.- Basta dia kaba tin kantidat di kachó lòs ku a establesé nan mes riba e Playa di Caracasbaai. No solamente na ta un molèster pa usuarionan di e playa pero tambe ta kousa un situashon peligroso. Hopi hende lokal i turista ta bai Caracasbaai su playa pero kachó ta kore nan tras òf kachónan ta subi drumi riba e bankinan pa hende sinta na dje. Tur dia parse tin hulandesnan ta bai duna e kachónan kuminda, poniendo ku nan no ta bandoná e playa pasobra nan ta kómodo einan. Ta pidi instansianan konserní pa yuda ku e situashon.