WILLEMSTAD – Awe den oranan di mainta outoridatnan mester a akudí na e área di Marichi nèt tras di edifisio di OM pa un kadaver den laman. Algun persona ku a bai landa awe mainta a bin topa ku e kadaver den fondo di laman i nèt na e momentu ku bushinan a baha na laman el a blas bin ariba. Informashon preliminar ta indiká ku ta trata di un hende hòmber ku a bai landa i pa un motibu òf otro ainda deskonosí a fayesé den laman. No sa si ta hoga òf bira malu den laman. Outopsia lo determiná e kousa eksakto. Dokter di polis, Maduro a konstatá e morto i patólogo tambe tabata presentá. E tuma e kurpa den beslag pa hasi e investigashonnan nesesario.

++

Polis awe tardi a duna di konosé ku djaluna 28 di novèmber 2023, Sentral di Polis a risibí informashon ku tin un hóben pèrdí na e playa públiko na Marichi. For di investigashon preliminar a sali na kla ku un grupo di hóben a bai landa i na momentu ku nan tabata bandoná e sitio, a tuma nota ku ta falta un hóben. Despues di un búskeda den e área no a logra lokalisá e hóben.

Djárason 29 di novèmber 2023, alrededor di 06.52‘or di mainta Sentral di Polis a haña informashon ku na e playa di Marichi tin un kurpa den awa ku no ta duna señal di bida. Ku yudansa di Warda Kosta a logra saka e kurpa sin bida for di laman. Alrededor di 08.50’or, dòkter di polis a konstatá morto di e hóben na bida yamá Lehandro Deijando Cuales nasé dia 18 di desèmber 2008 na Kòrsou.

.

Bosero Polisial, Maurits Rosalina ta duna deklarashon ofisial