WILLEMSTAD.- E aña aki kambio di aña a kana relativamente trankil. Esaki tabata di spera un parti debí ku tin medidanan relashoná ku Covid-19 manera Toke de Keda.

Bosero di Kuerpo Polisial di Kòrsou Imro Zwerwer a konfirmá pa EXTRA ku kambio di aña a kana hopi trankil i no tabatin nada di partikularidat ku polis mester a atendé kuné.

E siguiente dianan kual tabata dia 2 i 3 si outoridatnan a parti basta but relashoná ku Covid-19. Riba djasabra 2 di yanüari i tambe den mardugá di 3 di yanüari último polis a repartí un kantidat di 20 prosès verbal relashoná ku Covid-19.

E departamento di Unit Bijzondere Wetten di polis (U.B.W.), a parti but pa doño di negoshi ku a sera despues di e orario stipulá i tambe pa klientenan ku tabata konsumiendo alkohòl na un establesimentu prohibí. Un propietario di un negoshi ku no ta permití benta di alkohòl i ku tabata bende bebida stèrki ku kliente, tambe a risibí un prosès verbal.

Tantu unidatnan di e warda di Rio Canario komo e tim Unit Speciale Taken (U.S.T.), a parti but pa personanan ku tabata riba kaya durante di e orario di toke de keda.

E kontrolnan aki, lo kontinuá