WILLEMSTAD.- Mesa di redakshon di EXTRA ta hañando hopi mensahe di hendenan ku ta riba kaminda di Banda Bou direkshon Punda, pero ta pegá pa basta ratu kaba den tráfiko. E promé informashon ta indiká ku tin un aksidente na Seru Chiki i un otro na altura di Mal Pais. E tráfiko ta kompletamente kongestioná di manera ku esnan di Westpunt etc ku ta biniendo ariba no ta move niun tiki. Ta tratando na desviá tráfiko via di otro ruta, pero e problema ta ku no tin muchu opshon.

EXTRA ta komprondé ku riba Gosieweg tambe tin un aksidente basta serio. E área ei tambe e tráfiko ta pegá pa basta ratu kaba. Den tur e kasonan ariba menshoná mester a pidi asistensia di ambulans pa atendé ku personanan ku a resultá herida. Rekomendashon na outomobilistanan pa pone mas atenshon na tráfiko.