WILLEMSTAD.- All to Car a hasi entrega di e Electric Step kual tabata e premio di e kampaña "Like,Share&Win" ku a keda lansá den e periodo di karnaval.

Dia 13 di Febrüari All to Car a lansa un kampaña ku a hiba e nòmber "Like,Share&Win". Den e periodo di 13 pa 17 di febrüari tur persona ta’tin e chèns pa saka potrèt ku e Dongfeng Huge Hybrid di All to Car i dia 18 tur e potrètnan aki a keda di pòst riba e Facebook página di EXTRA.

Kada partisipante mester a stimulá amistatnan i famianan riba Facebook pa “Like” i kompartí nan potrèt i e potrèt ku mas “like” lo a sali e ganadó di e kampaña.

Dia 28 di febrüari All to Car a anunsiá ku e hóben Déviorr Monte ta e ganadó di e kampaña ku un total di 388 Like.

Mirando ku e hobensita Niviënely Sambo su potrèt tabata na di 2 lugá ku un total di 248 Like, gerensia di All to Car a opta pa hasi un gesto ku e damita tambe.

Ayera ámbos ganadó por a pasa na agensia di All to Car pa asina risibí nan premio.

Nos a kòmbersá ku Dennis Brouwer Direktor General di All to Car i el a duna di konosé ku e ta hopi kontentu i satisfecho kon e kampaña aki a bai. Tambe Dennis ta gradisí pueblo di Kòrsou pa e manera kon nan a biba ku kampaña aki.

Tabata algu spontáneo i riba man planiá pero ku un resultado satisfaktorio pa All to Car i mas ku klaro pa e 2 ganadó nan tambe.