WILLEMSTAD.- Algun ratu pasa a surgi un situashon di basta disgustu serka personanan ku a bai bishita nan ser kerí na Sentro di Detenshon i Korekshon Kòrsou (prizòn).

EXTRA a keda aserka pa bishitantenan ku a bai serka nan ser kerí, pero ku a hañ’e konfrontá un situashon ku ta di lamentá pa nan.

Segun EXTRA a keda informá, esaki ta algu ku ya a sosodé dos siman pasa, tambe durante bishita. Parse ku segun regla di prisòn, kada dos siman e persona ku nos a papia kuné por bishita su ser kerí, kaminda e ta haña 1 ora pa e ta serka dje. Awe mainta ora tabatin bishita, pa motibu di prisòn mes bishitante ta drenta lat pero prisòn ke sake mas tempran, ku loke su tempu di bishita ta stipulá.

Tabatin bishitante ku a yega prisòn for di 9 or pa asina e por tei mei ora promé ku e sita manera e regla ta. E bishita mester a kuminsá 10 or pero a kuminsá te kuartu pasa di 10. E ta supos di haña un ora pero pa 11 or di mainta kier a saka e bishitante aki. E situashon a kousa interkambio di palabra fuerte, tambe ku otro bishitantenan, detenidonan i tambe e wardadónan di prezu ku a bai saka e bishitantenan afó.

E bishitantenan a haña komo kontesta,;”Bai reklamá pafó”.

Tur esaki a pasa dilanti muchanan menor ku tambe a bai bishita nan famia.