WILLEMSTAD.- Algun ratu pasá a drenta un mèldu di un kandela den un kas situá den Jan Erasmusstraat, Mundu Nobo. Segun investigashon preliminar ku brantwer a hasi, un korto sirkuito a okashoná e kandela. Ningun habitante no a resultá herida, pero si tabatin daño material na entre otro un wasmashin, un frishidèr i muraya. Komo ku e wasmashin, di plèstik, a pega kandela esaki a sòru pa un holó no agradabel i asta dañino den e kas. Awó e habitantenan tin ku bai wak kon ta hasi saka e holó di huma i plèstik kima fo’i den e kas pa asina nan por sigui biba trankil den nan hogar.