WILLEMSTAD.- Ayera un kamber den Plaza Hotèl a pega na kandela. Sentral di Polis i Brantwer a risibí un notifikashon di e kandela i inmediatamente a dirigí e unidatnan nesesario pa atendé e kaso. Na yegada mesora e empleadonan a indiká brantwer ku e kandela ta na e segundo piso den kamber 256. Komo ku ta den e di dos piso tabata fásil pa brantwer a pasa slan pa asina paga e kandela.

E daño tabata bastante, pero el a keda limitá únikamente na e kamber 256. Tin sospecho ku por ta trata di un korto sirkuito ta loke a pone e kamber a sende kandela, pero ainda mester hasi un investigashon pa determiná e kousa eksakto.