WILLEMSTAD – Ayera nochi Sentral di brantwer mester a manda varios unidat direkshon Sta. Barbara Resort pa un kas na kandela. Tabata e unidatnan di Steenrijk i Rio Canario ku a yega na e sitio pero ya e kas tabata kompletamente na kandela i no por a hasi muchu mas. Manera ta konosí e área aki, Seru Boca Marina Estate ta hopi eksklusivo i ku kasnan grandi luhoso di balor mionario. Esaki tabata un kas kantu di laman den bahia di Spaansewater.

++++
Polis awe merdia a duna di konosé ku for di un investigashon a sali na kla ku kousa di e kandela tabata debí na un korto sirkuito.