Awe tin 4 kaso nobo

WILLEMSTAD.-E informe ofisial di direktorado di informashon di gobièrnu di Kòrsou ta indiká ku pa awe djabièrnè 11 di sèptèmber tin 4 kaso nobo di hendenan ku a tèst positivo ku Corona vírus. Segun e informe, e tim di epidemiologia ta hasiendo trabounan di ‘contact tracing’ pa determiná fuente di kada kaso.

E sifranan for di mart te ku awor ta mustra ku Kòrsou a konosé 135 kaso di Corona di kua 79 ta kasonan aktivo i 55 a rekuperá.

Ketu bai e súplika ta keda na tur hende pa mantené distansia i tambe laba man sea ku awa i habon òf usa hand sanitizer. For di momentu un hende ta sinti un di e síntomanan mester keda kas i evitá di sali.