WILLEMSTAD.-E kompania Refineria di Kòrsou (RdK) den un informe ta indiká awe mainta ku e kantidat di partidonan interesá pa operá i manehá e refineria di Kòrsou a surpasá tur espektativa. 11 di e 14 partidonan ku a inskribí inisialmente a mustra interes i a entregá un asina yama non-binding proposal.  E biaha aki mas partido a demonstrá interes pa entregá un non-binding proposal kompará ku e prosesonan anterior.

Djaluna 12 di Òktober tabata e último dia riba kua partidonan interesá por e entregá nan non-binding proposal.  Program Management Organization (PMO), basá riba kriterio di selekshon previamente definí, awor lo disidí kua ta bira e partidonan ku lo keda invitá pa entregá un proposishon definitivo pa medio Novèmber próksimo.