WILLEMSTAD.-  Un ratu pasa a drenta e notisia tristu ku kapitan di un boto di plaser a fayesé na Klein Kòrsou.

Ta trata di un di e botonan ku ta nabegá ku turista/lokal pa Klein Kòrsou. Segun e promé informashonnan, e boto a yega mara i e kapitan a bai hasi Free Diving i tambe piska ku bishitantenan. Dado momentu no por  a hañ’e i ora a bai buska a bin topa den fondo di laman. A bai tera ku e kurpa pa reanimá pero envano. Ya el a fayesé. Aktualmente warda kosta i helikòpter ta na e sitio pa duna asistensia i trese e kurpa Kòrsou. Mas informashon den EXTRA mainta.