WILLEMSTAD.- Ministerio públiko algun ratu pasa a hasi un demanda di no ménos ku 18 aña di prizòn pa e akusado O.B. lider spiritual di un iglesia konsiderando ku e lo ta kulpabel pa por lo ménos 10 kaso inmoralidat i violashon di menornan di edat i hóbennan ku tabata frekuentá su iglesia. Durante tratamentu di e kaso awe mainta hues a repasá deklarashonnan dje denunsiantenan. Kasi tur a splika kon pastor L. sistemátikamente tabata hinka nan den un situashon unda e tin e poder i tabata tene relashon seksual ku nan. Tin di nan ku asta a komete aborto no ménos ku 6 biaha. Fiskal mr. Ludmila Fobes Vicento no a tene kompashon den su demanda i a pidi e kastigu ariba menshoná. O.B. a abusá dje konfiansa ku a ser depositá den dje komo lider spiritual. Pa un reportage amplio lesa bo EXTRA di mañan mainta.