WILLEMSTAD.- Manera ya EXTRA a bin ta informá awe, Korte Promé Instansia awe a trata e kaso “Hummer”. Ta trata di asesinato di e konosido rèper Boechi, Ruchendell Bonifacio Windster. Manera ta konosí el a keda likidá dia 9 di desèmber 2022 den oranan tempran di mardugá na altura di un trùk di pan na Santa Maria. E dos akusadonan den e kaso aki ta C. Coffie (44) i C.Zimmerman(24).  Ámbos tabata sera na Boneiru i a keda trasladá pa Kòrsou pa tratamentu di nan kaso pro forma. Pa e asesinato aki Fiskal a pidi un kastigu di prisòn di 22 aña pa Zimmerman i  19 anja pa Coffie.

Den edishon di EXTRA mayan lo tin relato amplio.