ORANJESTAD – E portal; NoticiaCla ta informá ku awe mardugá Aruba a konosé otro kaso di asesinato. Tabata pa 5 minüt pa 4 di mardugá, ku sentral di polis a risibí notifikashon ku un hende hòmber a keda alkansá pa un tiru dilanti American Bar.

Na yegada di e patruya na e sitio testigunan a deklará ku e persona lo tabatin un diskushon dilanti American Bar i na un dado momento nan a skucha un tiru. Mesora nan a hinka e víktima den outo i transporte i pa 4.25 dòkter a konstatá morto. Te ainda polis no tin e identidat kompleto di e persona. E kaso ta bou di investigashon.