WILLEMSTAD - Alrededor di 5or di atardi sentral di polis a risibí yamada di un kaso di bashamentu di bala na Elmesstraat. Na yegada di e promé patruyá polisial di Punda a bin topa un hòmber ku vários perforashon di bala di lèn den un suv pretu na e banda di shofùr. Mesora a pidi presensia di ambulans ku urgensia na e sitio.

Na yegada di e paramedikonan nan a bin konstatá ku e hòmber víktima ya no ta duna señal di bida mas. E team di reshèrshi i tambe TOD a presentá na e sitio pa sigui ku mas investigashon den e kaso. Por a tuma nota ku TOD a konfiská 6 huls. Den edishon di EXTRA mayan lo tin mas detaye.