WILLEMSTAD.- Awe mainta tempran alrededor di 5'or, sentral di polis a haña notifikashon ku den área di Kustbatterij bisiñanan a skucha vários tiru, ku segun e bisiñanan ta parse tiru di arma di kandela. Na yegada di e Promé patruya a topa ku bisiñanan mes a sali for di nan kas i a kuminsá wak rònt, te ku nan a bin topa ku un hòmber kolo skur drumi abou dilanti di un sofa patras di un kura di kas. EXTRA ku tambe a yega na e sitio a tuma nota ku e hòmber tabatin kapuchon bisti i na e parti dilanti di su karson e tabatin algu ta sali paresido na un kabu di pistol. A haña e hòmber patras di un kas den Elmesstraat na Kustbatterij ku no tabata duna señal di bida mas. Mas detaye den edishon di EXTRA. Forsa na famianan.