WILLEMSTAD - Djaluna 24 di mei 2021, alrededor di 05.42 or, reshèrshi di VVC konhuntamente ku personal di UST a tene entrada hudisial na un adrès den Kaya Bogota.

E entrada hudisial akí, ta relashoná ku dos (2) kaso di menasa i maltrato kometé den lunanan di ougùstùs 2020 i mei 2021.

Na e sitio e agentenan a detené e hòmber sospechoso L.J.C. di 33 aña di edat nasé na Kòrsou, pa e echonan ariba menshoná.

A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.