WILLEMSTAD – Den un komunikado ku polis a kaba di emití ta klasifiká e kaso di ayera na Directeursbaai ofisialmente komo un kaso di asesinato. Segun e komuni8kado di polis, djárason 29 di desèmber 2021 alrededor di 12.04’or un bushi a enkontrá un arma di kandela den laman na Directeursbaai. Polis a konfiská e arma aki i investigashon lo mester saka afó ku ta trata aki di e arma ku a keda usá den e kaso di asesinato na Directeursbaai. Investigashon den e kaso aki ta kontinuá.