WILLEMSTAD.- Ayera durante oranan di dia, shofùr di un vehíkulo a hañ’e envolví den un aksidente basta fèrfelu.

Esaki debí ku shofùr di un otro vehíkulo a sali for di Caboverdeweg i subi Rooseveltweg sin duna preferensia na shofùr di e vehíkulo ku tabata aserkando. Konsekuentemente a surgi un choke.

Shofùr di e vehíkulo ku a okashoná e aksidente, a sigui kore manera nada a pasa. Un testigu ku a sigui e outo aki a duna polis i ForenSys tur detaye i tambe plachi di number di e vehíkulo ku a okashoná e aksidente kual ta un Kia Rio kolo kòrá.

Investigashon den e kaso aki ta kontinuá.