WILLEMSTAD.- E probabel kaso di Monkeypox ku gobièrnu a partisipá dia 9 di ougùstùs di dje, ta konfirmá. Ta trata di un persona ku a regresá resientemente for di eksterior. E promé tèst, realisá na Kòrsou, i e di dos tèst, realisá na Hulanda. Tur dos a sali positivo pa e vírùs di Monkeypox.

E persona ta aktualmente den isolashon. Siguiendo e protokòlnan vigente, departamento di Epidemiologia (EPI) i departamento di Infectieziektebestrijding (IZB) di Servisio di Salú Públiko di Kòrsou (UO G&Gz, ántes GGD) ta sigui tur e pasonan nesesario pa kontené transmishon di e vírùs di hende pa hende mas tantu posibel.