WILLEMSTAD.-E kaso di konstrukshon na playa Kenepa Grandi, den kua minister Zita Jesus-Leito a prohibí dos funshonario entrada na edifisionan di Servisio pa Obranan Públiko (OW) ta keda hala atenshon. Despues ku e minister enkargá ku planifikashon urbano a elogia e proyekto den programa di informashon di su servisio, splikando ku e proyekto ta bon pa aksesibilidat na e playa e mandatario a bòltu i bisa ku e no sa nada di e proyekto. A indiká entre otro ku dos funshonario di OW esta señornan Mercilia i Melvin Cijntje no a informá nan hefenan di e proyekto. A akusá e dos funshonarionan di OW ku nan a traha palabrashon ku Ofisina di Turismo pa finansiá e proyekto sin ku nan hefenan tabata sa kiko ta pasando.

default

EXTRA a tuma kontakto ku presidente di sindikato ABVO pa tende kiko ta posishon di e sindikato relashoná ku e kaso aki. E lider sindikal Adrie Williams a splika ku na e momentunan aki ABVO ta konsehá e dos funshonarionan enkuestion pa papia ménos posibel. E minister a anunsiá ku un investigashon a kuminsá den e kaso aki i komo tal kualke kos ku un di e funshonarionan aki papia, lo por usa esei den nan kontra.

ABVO mester protehá e ámtenarnan aki. E kaso tin atenshon masha speshal di ABVO, pero ABVO ta warda e investigashon pa e ora ei ABVO fiha su posishon, asina Williams a duna di konosé.