WILLEMSTAD.- Ministerio Públiko (OM) ta informá ku ta trata un kaso ku 3 sospechoso latino, ku segun Ministerio Públiko, ta responsabel pa un kaso di asesinato dia 4 di febrüari 2018 riba F.D Rooseveltweg na altura di un klup nokturno. E sospechosonan ta dos hòmber di Venezuela i 1 di Ecuador. E anochi en kuestion Marco Fidel Cervantes Castro (Colombia, 6 yüni 1974) a pèrdè su bida a konsekuensia di e tiroteo.

Riba e fecha ei e informashon tabata ku a surgi un bringamentu entre di dos grupo. E suseso aki a tuma lugá riba F.D. Rooseveltweg na altura di un snèk ku ta djis pegá ku Bas Tire Service. Durante e bringamentu aki bala mester a kuminsá kai i dos hende a resultá heridá di kua un di nan a fayesé na e sitio i e otro a keda transportá ku urgensia pa Poli.