Ayera a registrá 17 kaso positivo

WILLEMSTAD. - Konforme sifranan relashoná ku e desaroyonan di COVID-19, ta duna un perspektiva positivo. Sifranan di kontagio ta sigui baha i prinsipalmente kasonan aktivo tambe ta bahando poulatinamente. Esaki sin mas ta un bon desaroyo. Pa loke ta trata e kasonan aktivo, esaki ta na 210.

Ayera tabatin 17 kaso positivo registrá i 53 persona a sali di isolashon. E 17 kasonan positivo ta resultado di 1.831 tèst realisá i 5 di e kasonan aki tabata importá.

E situashon di hospitalisashon a keda meskos ku e dia anterior, esta 18 persona hospitalisá relashoná ku COVID-19, di kua 9 persona ta den kuido intensivo di kua 1 di nan ta for di Boneiru.

E sifra di fayesimentu a keda na 172 i ohalá esaki no sigui subi.

Ta importante pa kada ken sigui kuida, nan mes i esnan rònt di nan, sigur esnan aktivo pa ta hopi kouteloso.