ISLA RIBA- Isla Riba i pa ser eksakto St.Maarten tambe ta den gara di Coronavirus konosí komo Covid-19. For di St.Maarten EXTRA a haña informashon di e kanalnan ofisial ku tin un kaso na St.Barths kaminda un habitante a keda konfirmá ku e ta afektá ku e vírus i meskos tin algun famia ku a bishit’é den último dianan. Ta trata di un habitante di kua su mayornan ta di St.Maarten. Meskos ku e habitante di St.Barths a keda isolá den su kas, a sosodé tambe ku su mayornan na nan kas. Situashon di e personanan no ta di gravedat.

Na e momentunan aki ta analisando i tèst tur hende ku tabata den kontakto ku e personanan aki. E organisashon di salu ta splikando ku mester tuma tur prekoushon debí ku Covid-19 no konosé frontera. Ta bon pa splika aserka ku ta e mayornan di e habitante di St.Barths ta biba na St.Maarten franses, pero tur hende ku konosé St.Maarten sa ku no tin realmente un frontera e dos partinan aki, pues trafikashon liber di hende i produkto hinter dia ta pone ku e isla kompletu ta vulnerabel. Asina tin mas detaye EXTRA lo trese esei.