Ayera dos morto na kas di kuido

WILLEMSTAD.- Kasonan nobo di COVID-19 ta sigui fluktua pa dia. Ayera for di 2136 resultado di tèst, tabatin 156 kaso positivo nobo. Di e kantidat di 156, 23 kaso tabata importá.

Un total di 207 hende a sali for di isolashon i asina e kantidat di kasonan aktivo ta na 1500. Pues e kantidat di kasonan aktivo ta sigui baha.

E situashon na hospital ta sigui alarmante, pasobra ainda tin 30 persona hospitalisá di kual 11 ta den kuido intensivo.

Ayera atrobe lamentablemente dos persona di edat den kas di kuido a fayesé. Esaki ta hasi ku e sifra di esnan kua  fayesé ta subi yega na 234.