WILLEMSTAD.- E kasonan nobo di COVID-19 a subi bèk, loke ta indiká ku e situashon di COVID-19 na Kòrsou ta fluktua. Ayera djárason dia 27 di òktober 2021 a registrá 20 kaso nobo. Por lo ménos 4 dje kasonan aki tabata importá. I esei ta parti di e 161 kasonan aktivo ku tin te awor. Mas aleu tin 10 persona ku a sali for di isolashon. Aparte di esaki e situashon na CMC te ku ayera mainta tabata di tal manera ku 16 persona hospitalisá, di kual 5 ta den e departamento di kuido intensivo. Ainda tin un pashènt di Boneiru ku ta hospitalisá. Finalmente e kantidat di morto kousá pa COVID a keda 173.