Wes: Durante 19 aña apòstel no por fungi komo lider di misa

WILLEMSTAD.- Sentensia a kai un ratu pasa den e kaso di apelashon di Orlando Balentina konosí komo apòstel. Ta trata un kaso den kua vários víktima a deklará ku apòstel tabata abusá di nan seksualmente i tabata probechá di su funshon komo kabesante di misa pa asina konvensé mucha i adulto ku su aktonan ku nan ta korekto. Awe Orlando a tende kon wes den apelashon a dikta ku e mester bai será pa 14 aña den prizòn i banda di esei durante di un periodo di 19 aña apòstel no por fungi komo lider di misa.  Tambe wes a deklará den e veredikto ku ta konfiská e outo di apòstel. Tur detaye di e verediktonan interesante aki por hañ’e den EXTRA mayan mainta.