WILLEMSTAD. - Korte a dikta sentensia awe den e kaso di atrako i morto di Franky Ignacia. Un akto ku a tuma lugá dia 20 di desèmber 2015 den bario di Blue Bay.

A sentensiá Shurela S. na un kastigu di prizòn di 6 aña (demanda di Ministerio Públiko tabata 10 aña di prizòn). Eddiene S. a haña un kastigu di prizòn di 11 aña (demanda di Ministerio Públiko tabata 15 aña). Pa Claudio Brian S. 11 aña i 9 luna (demanda Ministerio Públiko tabata 15 aña prizòn). Pa Giovanni S. 5 aña i 9 luna di prizòn (demanda Ministerio Públiko tabata 10 aña prizòn).

Wes a otorgá S.Hortencia, un di e víktimanan di atrako, un daño perhuisio di 5.000 florin pa e daño síkiko ku el a sufri. E demanda pa daño perhuisio di parti di famia di defuntu Ignacia a keda rechasá pa wes.

Tantu Ministerio Públiko komo e 4 persona nan kondená tin awor 2 siman pa disidí si nan ta apelá e veredikto.

Mirando e echo ku e kastigunan a bin mas abou, e chèns ta grandi ku Ministerio Públiko lo por apelá e verediktonan aki na Korte Superior.

Detaye amplio di e veredikto ta kontinua den Extra su edishon siguiente.