WILLEMSTAD.- Ayera e Katedral di Sumpiña a yega su punta di mas haltu i p’esei tabatin un selebrashon. E Katedral di Sumpiña ta situá den kurá di Landhuis Bloemhof, i ta ser “konstruí” dor di e artista Herman van Bergen. E proyekto aki ta pone énfasis di e ròl di arte den komunidat. E bishitante di e laberinto lo keda konfrontá ku e tema kontemporáneo komo rèspèt pa planeta i otronan.

Otro aspekto importante di e arte aki ta ku e artista Van Bergen a hasi esaki un proyekto spesial pa traha ku hubentut di Kòrsou pa su realisashon. Fundashon di Artista ta manehá e proyekto aki.