WILLEMSTAD.- Bisti tapaboka/mondkapje ta un di e eksigensianan prinsipal i tambe un di e maneranan di mas importante pa asina evitá ku bo por pega ku COVID-19 òf pega otro hende.

Pero tòg tin hende ku ainda no ta mira e importansia di bisti tapaboka. Siman pasá entre djamars pa djabièrnè, departamento di UBW a tene diferente kontròl na establesimentunan i personanan riba kaya relashoná ku ora di sera, aglomerashon i tambe medidanan di higiena.

Polis a sera 3 establesimentu i duna but pa e establesimentunan aki. Tambe polis a parti 20 prosèsverbal pa personanan sin tapaboka, aglomerashon i orario di sera.

E kontròlnan aki ta kontinuá.