WILLEMSTAD  - Abitantenan di e bario di Mahaai na vários okashon a hasi un apelashon riba e situashon di awa riba kaya den e bario. No solamente esaki ta trese peliger pa tráfiko den e área pero tambe ta un molèster di higiena. E awa tin asina tantu tempu kaba ku asta lima e ta krea ku ta hasi e situashon mas peligroso. E holó ku esaki ta trese kuné tambe ta insoportabel. E situashon aki lo ta keda kousa pa motibu di un kas den e bario mes.

Te awor aki  VVRP/GMN no a tuma nan responsabilidat i abitantenan a fada i hopi di esnan ku ta diariamente ta trafiká den e área ta pidi pa no sinta warda te ora e aksidentenan muchu mas grave tuma lugá i pone bida i salu den hende den peliger. Den edishon di EXTRA maya lo dediká mas atenshon na e situashon aki.