WILLEMSTAD.-Informashon ku a yega mesa di redakshon di Extra ta indiká ku ladronnan a drenta den ofisina di Post na Groot Kwartier i a kibra un kaha fuerte(kluis).

Outoridatnan polisial ta hasiendo investigashon nesesario. Tur kos ta indiká ku Post lo a bira víktima di ladronnan ku lo a hasi uso di ekipo speshal di brantwer pa habri e kluis.

Investigashon preliminar ta mustra ku e ladronnan lo a bai ku alrededor di 50.000 florin. Ta basta destrukshon a keda atras despues di e kiebro aki. Keda pendiente pa mas detaye.