WILLEMSTAD.- Despues ku siman pasa vários kònteiner di vürwèrk di importador a kuminsá yega Kòrsou, ayera mainta a konstatá na Kruithuis ku tabatin ladronisia ku a tumá lugá den oranan di mardugá.
Malechornan a kibrá den kònteiner di vürwèrk di e importador Goon Lee i a hòrtá basta vürwèrk for di esaki.
Polisnan i e tim di TOD a presentá na e sitio i lo bai hasi un investigashon relashoná ku e ladronisia aki.
Ta pidi komunidat kompletu pa si bo a tuma nota di algu straño òf di e vürwèrk hòrtánan aki, pa tuma kontakto ku 917 òf e number anónimo 108.