WILLEMSTAD - Stichting Kinderoorden van het Wit Gele Kruis, mihó konosí komo”Kinderoorden Brakkeput”(KOB) a tuma nota di e notisia ku a sirkulá na plantanan di televishon i riba retnan sosial relashoná ku un hóben habitante di KOB, ku a keda agredí dor di algun trahadó. Nos ta lamentá ku e suseso aki a tuma lugá. Pa basta aña kaba miembronan di direktiva i maneho di KOB a sòru pa un kódigo di kondukta interno, kaminda ta hasi menshon eksplísitamente di tipo di kasonan asin’aki. Tambe ta menshoná ki tipo di konsekuensia (nan) ta mara na e aktonan aki. Despues di e suseso aki, KOB na su turno a kana e kaminda legal relashoná ku e situashon, teniendo nos kódigo di kondukta interno na kuenta. Tambe nos a tuma medidanan interno,pa evitá ku e tipo di kasonan asin’aki ta bolbe ripití den KOB.