WILLEMSTAD.-  Djadumingu pasa Klein Kòrsou a keda kombertí den un paraiso kulinario. Den e Beach House di Miss Ann Boat Trips ku a keda renová resientemente, Shef karibense Helmi Smeulders a kushina. Ta pa algun tempu kaba ku Smeulders ta kana rònt ku e idea ambisioso pa un restorant pop up riba e isla no habitá i el a haña Miss Ann Boat komo e partner logístiko perfekto pa e okashon aki.

Ku 60 bishitante na bordo re yate luhoso di Miss Ann a kue direktor pa Klein Kòrsou den oranan tempran di mainta, kaminda nan a keda risibí pa Smeulders i su tim ku un mesa di shampaña den laman. For di einan a kuminsá ku e toke pa e dia. E wéspetnan mas aleu a disfrutá den sombra di e Beach House di 4 kuminda ku interkambio mei mei di sambuyá den e laman blou. Riba e menú tabatin Ceviche di Moulo ku Zeewier i krema di koriander, tuna temperá ku skuma di papaya huma i awakati i Panna Cotta i Jamun, shimaruku i blachi di flornan di flamboyan.

Manera ta kustumbrá e shef a keda inspirá pa ingredientenan lokal ku ta haña den naturalesa. I asina tambe e ku Jonathan van der Vlies gerente di Miss Ann Boat Trip a bai riba “koraalduivel” rònt di Klein Kòrsou. Esaki a keda sirbi manera Kibbeling riba un kama di banana di ref. Na momentu ku solo tabata baha a yega un fin na e dia kulinario i e wéspetnan a kue rumbo bèk pa Kòrsou.