Kompará ku periodo di fin di 2019

WILLEMSTAD.- ‘Nos tin plannan grandi pa Kòrsou. Den e periodo di Pasku i fin di e aña aki (ku ta entre  novèmber 2021 i mart 2022, EXTRA) KLM lo tin hopi mas buelo entre Kòrsou i Amsterdam.’ Asina presidente i CEO di KLM Pieter Elbers a bisa djaluna último den un entrevista ku EXTRA na Jet Center Curaçao (JCC) na Hato International Airport. ‘E kantidat di buelo lo ta mas grandi ku 25 porshento, kompará ku e periodo ku COVID-19, den aña 2019.’ Ku esaki KLM ke mustra ku e destinashon di Kòrsou ta hopi importante pa e kompania di aviashon mas grandi na Hulanda.

Elbers durante su bishita na Kòrsou, den e último dianan, a kombersá ku hopi persona riba nos isla: Elbers a papia ku turistanan, representante di sektor di turismo, hoteleronan, gobièrnu di Kòrsou i hopi otro hende mas.

‘E kombersashonnan a konvensé mi ku nos ta riba bon kaminda.’ Elbers a splika ku e ta sinti ku Kòrsou ta kla pa mas turista.

‘Tin hopi aktividat den sektor turismo, tin mas hotèl ku a keda konstruí i ku lo wòrdu konstruí. Tur di esaki ta duna e konfiansa ku nos ta riba e bon kaminda.’

Segun Elbers KLM a pasa un periodo hopi fèrfelu. ‘For di kuminsamentu di COVID-19 nos a adaptá rutanan kasi tur dia, nos tabata alerta tokante vírus nobo. Nos a organisá hopi buelo di repartishon. Pa nos esaki tabata un aña hopi duru.’

Pero na mesun momento Elbers ke gradisí tur hende na KLM ku ta traha riba e buelo entre Kòrsou i Hulanda.

‘Tur e trahadónan di KLM riba e isla aki a hasi un esfuerso hopi grandi.’ Elbers ta splika ku e kompania den e último aña i mei mester a kambia schedule di e rutanan kasi tur dia, debí nan e pandemia di COVID-19 rònt mundu.’ Elbers ke bisa ‘dank je wel’, na tur empleado di KLM pa nan trabou duru i importante durante fin di aña di 2021.

LAGA UN KOMENTARIO

Please enter your comment!
Please enter your name here