WILLEMSTAD.- Ayera nochi a tuma lugá e entrega di premionan di e kampaña di Tumba+ relashoná ku Festival di Tumba 2026. E aña aki AMAK i e tim di produkshon di Festival di Tumba bou di direkshon di Mauricia Pictures a introdusí Tumba+ e sistema nobo di ‘Pay Per View’ di Festival di Tumba.  Pa e introdukshon aki a presentá un kampaña kaminda esnan ku aboná ta partisipá den un sorteo ku tabatin tres premio, 5000 florin kèsh; un trip pa 4 persona por bai wak dos wega di mundial di futbòl kaminda e selekshon di Kòrsou ta hunga i e premio mayó, un outo MG3 di Star Motors. Riba potrèt por mira e tres ganadónan den kompania di Sr. Raino Mauricia di Mauricia Pictures i Sr. Amos Agard di Star Motors.