121 kanselashon den promé siman di desèmber

WILLEMSTAD – E Asosashon ku ta representá apartamentu i hotèlnan chikí aki na Kòrsou, CASHA, ta sumamente preokupá ku último desaroyonan relashoná ku Kódigo oraño.

Net awor ku ta mira un progreso ku e okupashon pa luna di Novèmber ta indiká un kresementu leve den okupashon di 20% pa 29,2% den e sektor di CASHA. Entre 26 di nan miembronan, tin 7 akomodashon ku a registrá riba 50% te ku un máksimo di 71.1%. Tambe 11 akomodashonnan a registrá un okupashon entre 11% pa 48%. Algun akomodashonnan a ofresé StayCation, pues okupashon pa ménos entrada. Tabatin 95 reservashon menshoná pa desèmber i adishonalmente mas reservashon pa pa 2021. Tabatin 8 akomodashon no tabatin okupashon den luna di Novèmber.

Awor CASHA a tuma nota di e dekreto pa kategorisá kódigo oraño a pa Kòrsou. “E impakto ta ku nos ekonomia i turismo en general ta mira su posibilidat mengua gravemente.

Ya por nota (ku dato te ku 8 desèmber) ku mas ku 121 di kanselashon den reservashon nan pa luna di desèmber. Esaki a konsekuensia for di momento di medidanan di “toke de keda” limitando restorantnan te ku 8or anochi, sigui pa “lei seku” i awor e anunsio di kódigo oraño pa Kòrsou. E impakto di kódigo oraño ta pinta komo devastador pa nos miembronan.

CASHA ta konsiderá ku énfasis pa studia e posibilidat pa otro merkadonan na nos alkanse pa mitiga e pèrdida di e merkado hulandes. Merkado di Estados Unidos, Alemania i Bèlgika ta masha posibel permitiendo entrada di turistanan ku tèst negativo PCR. Esaki konsiderando e impakto riba turistanan for di Hulanda ku e kódigo ta afektá kompará ku e paisnan menshoná.

Otro ehèmpel palpabel den serkania di efektividat di PCR tèst negativo ta turistanan for di Merka ku ta biaha pa Aruba. Na Aruba ta yega 10 vuelo diario sin ku e tin influensia riba e kontagio lokal.

For di informashon tin interes di turistanan for di Bèlgika i Alemania ku masha deseo pa biaha pa Kòrsou apesar di e kódigo oraño.

“Nos ta rekomendá a base di dato i ehèmpel verídiko di efektividat di PCR negativo pa amplia mas aktivo ku e merkadonan USA, Alemania i Bèlgika.  Nos kier rekomendá pa aktivamente konsiderá e resiente vuelonan diario ku American Airlines i stimulá mas kompanianan.”