Despues di a kaba su estudio di maneho di hotèl na Kòrsou, el a bai Hulanda pa studia den bartènder internashonal. E tin un proyekto di otro siman dia 25 di novèmber pa presentá un kòktel kore ku COVID-19. E kòktel aki el a invent’é dor ku den e momentunan difísil ku nos ta bibando di COVID, tur hende sa ku COVID lo no bai tampoko, pa por keda ku nos bida di normal, el a pensa den un kòktel pa emoshonalmente kore ku e COVID. Loke por ferwaktu di e evento kaminda e lo presentá e kòktel ta ku lo tin diferente kòktel i shòtnan pa kore ku e COVID. Den e kòktel tin spesialmente ingredientenan krioyo lokal ku ta yuda nos pa kore ku e COVID.

Kurso di bartènder

Emy Delfina a bai CDC na Kòrsou kaminda el a kaba maneho di hotèl. El a bai Hulanda i a hasi su International bartender course. E kurso a dura 4 siman i den e simannan ei tabatin hopi desafio, hopi eksperensia, kaminda el a profundisá su mes den e parti di bartènder. E kurso tabata partí den teoria, práktika i eskurshonnan kaminda a bishitá diferente bar, distileria, nan a mira kon ta traha alkohòl, kon ta produsí alkohòl, ki tipo di alkohòl tin. Pa e tabata un eksperensia great i dushi. Mas aleu el a bai Heineken Experience. Despues di e kurso na Hulanda Emy tabatin posibilidat di hasi e kontinuashon di e kurso aki na Barcelona ku tabata algu super. Emy a splika ku pe komo un persona yegá na su mama en partikular, e eksperensia ei tabata algu ku e por a lòs un tiki. Esei tabata su promé solo trep den henter su bida. Barcelona ta un siudat masha bunita, un kultura riku i einan el a hasi e kontinuashon di e kurso Mixology. Einan el a profundisá su mes den kòktel. El a siña kon pa traha su propio stropi, kon pa traha alkohòl, kon pa traha dekorashon, kon pa trata eis propio. Tabata algu masha interesante i ku Emy a siña masha hopi di dje. Durante di e estadia na Barcelona nan a bishita diferente bar mundialmente konosí. Nan a bai parti zùit di Spaña kaminda tin e distileria di Gin. Einan el a eksperensiá hopi i e mes a mira kon ta traha Gin.

Oportunidat komo bartènder

Apesar ku el a kaba turismo, e tin 13 aña kaba den mundu di horeka. El a kuminsá traha den horeka ku su 16 aña. E tabata weiter promé i semper su afinishon tabata loke tin di aber ku bar. Basha ko'i bebe, sirbi hende, papia ku hende, atendé ku hende, semper e tabata gusta e kos ei. Emy ta kòrda ku 4 aña pasa e tabata traha den restorant den Punda i un dia e mènedjer a puntr’e si e tin gana di bira Bartek. Ta trata di Emy a pone hopi atenshon na loke su koleganan tabata hasi den bar, kon nan tabata traha nan kòktelnan i asina su interes a krese bira mas grandi. E tabata wak videonan riba Instagram, Facebook i Youtube. Un dia e kolega a bira malu i su mènedjer a puntra ken ta bula tras di bar. Emy ni a pensa ni dos bia pero el a tuma e reto ei sin tabata sa presis kon e tei traha kòktel. E por a traha kosnan simpel so. E trabou ei ta masha dushi. No ta solamente traha e kòktel pero e komunikashon ku e bartènder semper tin ku esun ku bin pidié algu na bar. E mundu di bartènder ta unu grandi i bo por traha diferente kaminda, sea riba barku, na restorant, na barnan mundialmente.

Ku kiko meskla alkohòl

E kos di mas robes den kòktel òf mix drinks ta meskla alkohòl ku Energy Drink. E kos ei por laga hende dal abou einan pará, e por kousa ataka di kurason. Meskos tambe ku tin alkohòl ku no por meskla ku nada. Por ehèmpel un sambuca. E ta un likor hopi fuerte i preferibel us’é komo aperitivo. Hopi bia e sambuca no ta bebe den kòktel pero komo shòt.