WILLEMSTAD.- E víktima ku a fayesé den e aksidente di tráfiko riba djadumingu 28 di yüni 2026, a keda identifiká komo Daniel Jose Muñiz Jaime, nasé dia 14 di aprel 1981 na Colombia. E aksidente a tuma lugá djadumingu 28 di yüni, i den kareda di 20.35’or, Sentral di Polis a risibí informashon dje aksidente ku a tuma lugá riba F.D. Rooseveltweg. Un outo a alkansá e víktima ku tabata na pia. Na yegada di e unidat, a topa ku e víktima drumí abou den kondishon krítiko ku sla na su kurpa. A pidi presensia di ambulans ku a yega rápidamente na e sitio. For di investigashon preliminar a sali na kla, ku un outo a alkansá e víktima ku tabata na pia i debí na e impakto e hòmber a bai resultá kontra di un otro vehíkulo ku tambe tabata koriendo riba e kaminda ei. Na yegada di personal di ambulans, no por a hasi nada mas pa e víktima.